Menusier ebenista en Lemosin : LO ‘TALHIER

Vòstre project

Dau dessenh a l’obratge

Ebenistaria

Menusaria de renovacion

Aisinament

Creacion

Escalier en chène

Menusaria de renovacion : concepcion e pausa

Saber e biais de far tradicionaus

Ebenistaria mai aisinament sus-mesura

LO ‘TALHIER

Au còr dau Lemosin, bon ras l’A20 e la fortalesa medievala de Chalucet, nòstra entrepresa mestierala LO ‘TALHIER – Atelier Laurent Parot, se tròba sus la comuna de Sent Jan-Ligora, en Viena-Nauta.

Sem dos ancians diplomats de l’Escòla Boulle, per l’un en ebenistaria, per l’autra en dessenh de
muebles.

En francès, LO ‘TALHIER vòl dire « l’atelier » e se prononça « lou talié ». Queu nom parla d’un « endrech ente se trabalha a la man ». Fai referencia au còp au patrimòni linguistic e culturau de nòstra region e a la gent de mestier.
De vrai, especialisat dins la creacion, la fabricacion sus-mesura e l’aisinament de besunhas d’amoblament e de fustaria de boesc e de paneus, nòstre obrador a saubut conservar lo saber e los biais de far tradicionaus dau boesc dempuei quitament 20 ans.

Balhatz vòstre project a-d’un Mestre menestrau menusier, ebenista diplomat de l’Escòla Boulle

Setz en cercha d’un tau dessenh mai de ‘na realisacion de granda qualitat? Enginjeretz un mueble especiau, avetz mestier d’aisinar un espaci atipic, voletz ‘dobar sens traulhar o ben tot respectar n’estile? Lo vòstre project es unic, merita los soenhs d’un menestrau finament qualifiat.

Lo Laurent Parot, que trabalha dempuei mai de 20 ans dins son entrepresa LO ‘TALHIER, se ganhet lo titol de Mestre menestrau. Per vòstre project, qu’es l’assegurança de ‘na realisacion menimosa, respectuosa mai duradissa. N’investissament que vos n’en carraratz.

A la menusaria-ebenistaria LO ‘TALHIER, perpausem pas de catalògue, perqué las nòstras realisacions son unicas. Per vos balhar ‘n’aperçaugut de nòstra esperiença, veiquí ‘na triada de nòstras realisacions :

La chausida dau boesc

Avem chausit lo boesc massiu mai sos derivats per totas nòstras realisacions.

Ressorça durabla, lo boesc es naturalament isolador. Per la menusaria, pòt endurar los escarts de temperatura, mai respons perfiechament a las novelas reglamentacions termicas, emb de las nòrmas e daus labels per garantir la soa efficacitat energetica.

Materia d’autres còps, einuech lo boesc se pòt pus eschivar, per ‘dobar lo patrimòni d’un biais
armonios.

Emb ‘na menusaria de boesc labelisada R.G.E. a lor mòda, maison de país o ben tot maison de mestre melhoren còp sec lor confòrt de mai d’uns grats, en-tut que tornen trobar lor personnalitat.

Per l’ebenistaria, segur que la durabilitat dau boec es ‘n’evidencia . Traucha lo temps e se patina delicadament sus los muebles ancians, siguessan d’estile o ben rustics. Queu tesmenh autentic de mai d’unas vitas rassegura perqué fuguet pas concebut per esser « fotut lai». A l’encontrari de l’obsolessencia programada, sa simplicitat respons a las preocupacions environamentalas de nòstre
temps.

Trabalhem daus boescs eissuts, de preferença, de las forests regionalas o ben exagonalas : folhos (chaisne, chastanh, cerier sauvatge …) que rosinos, mai que mai lo melesa e lo doglas.

La menuiserie-ébénisterie LO ‘TALHIER privilégie le bois massif venant de France

Nòstras certificacions

Mestre menestrau

Lo titol de Mestre menestrau es balhat per la Chambra daus Mestiers. Es la mai nauta distincion de la gent de mestier. Reconeis un biais de far, gatge de fiança e de qualitat per lo consomaire.

R.G.E. Eco-Mestierau

La competéncia de l’entrepresa dins lo domeni de la performancia energetica es reconeguda per lo label RGE Eco-Mestierau.
Lo menestrau s’enjaga sus la qualitat dau servici e la bona realisacion dau seu obratge. Es contròllat tots los quatre ans emb n’audit menat per n’organisme independent : QUALIBAT. Sas practicas pòden laidonc massar las primas de l’Estat (prima regionala, CEE) per ajudar la renovacion energetica dau bastit.

Antica Nova

La CAPEB, sostenguda per la Region Novela-Aquitània mai la Fondacion dau Patrimòni, enjinget queu label perfin de far coneisser los profesionaus de proximitat, en mesma de « dobar sens traulhar lo bastit vielh » dins nòstra region.

Medalhon Turgòt Lemosin 2012 per l’Ebenistaria

Lo Comitat Oficiau daus Carnòt e daus Turgòt saluda chasda annada l’esperit d’entrepresa, las creacions e las innovacions de la Region Lemosin e de son ranvers. Las entrepresas nominadas dins las categorïas de l’annada receven n’Oscar de porcelana pendent la Nuech daus Carnòts e daus Turgòts.

Nòstres engatjaments

Per establir vòstre pretzfach, nos devem, d’en
prumier, veire sus vòstre chantier. Qu’es primordiau per comprener e definir clarament vòstre besoenh.

Segon vòstre projecte, avem benleu mestier de començar per na fasa de rechercha. Vos presentaram laidonc de las esquiças o ben tot daus eschantilhons de materias, monladuras e/o ‘chabasons.
Faram lo pretzfach quante auram precisat coma vos totas las partidas dau project.

Nòstres engatjaments :

  • Esser a vòstra escota
  • Integrar lo project dins lo vòstre ostau
  • Fabricar a vòstras mesuras
  • Respectar vòstre budget

Intervenem mai que mai dins lo mietjorn de la Viena-Nauta mai en Corresa, e de temps en temps,
dins de las entrepresas mai daus ostaus dins tot l’exagòne.

Sem immatriculats a la Chambra daus Mestiers, quò fai que l’ensemble de çò que fasem a ‘na garantida.